القدس حترجع لنا
كان شايل ألوانه
كان رايح مدرسته
وبيحلم بحصانه
وبلعبه وطيارته
واما انطلق الغدر وموت حتى براءته
سال الدم الطاهر على كراسته
مجموعة:
من هنا بنقول ارضنا
عرضنا دمنا امنا
وان مات ملايين مننا
القدس ح ترجع لنا
هدى سلطان:
أب ومد بخوفه ايديه يحمي بعمره ضناه
مدحت صالح:
واما ارتعش الجسد الطفل وبقى في ايدين الله
هدى سلطان:
بكت العذرا الام وصرخت قالت يا ولداه
المجموعة:
عاش الظلم المر الغادر سقط العدل وناح
هدى عمار:
كان طفل فلسطيني دا بيته ودا كل اللي جناه
همشري:
ده تاريخه وتاريخ اجداده ودي ارضه وسماه
يسرا:
هنا جرجس ومحمد اصحابه والدين لله
هشام عباس:
جه ظالم وسرق ايامهم كل املهم راح
منى عبد الغني:
سلم بسلم وحرب بحرب شرع الله والدين
محمد حماقى:
وازاي نار تحرق في القلب ونفضل كده ساكتين
لينا:
يا عرب لموا الصف كفاية واقروا صلاح الدين
طلعت زين:
عمره ما فرط فِ حقه ودا كان اقوى سلاح
صابرين:
صبرا شاتيلا وشهدا الاقصى الف حصار وحصار
ايهاب توفيق:
وعيال كبرت قبل اوانها حالفه تاخذ بالتار
شيماء:
غضب القلب المر الدامي بيتحول احجار
محمد محيي:
والعصافير بتحارب جيش بس ايمانها سلاح
مريم نوح:
لو جه ظالم مره وطردك من بيتك ورماك
طارق فؤاد:
وبيزرع على ارضك حقده ومن دمك اشواك
داليا:
مش نار ظلمه وجرحك لازم تتحول لهلاك
خالد عجاج:
وتعلم اولاد اولادك ان الثورة كفاح
مها البدري:
لما نمد ايدينا لغيرنا ويبقى الرد نيران
حكيم:
لازم يبقى سلاحنا ف ايدينا عشان العدل يبان
انوشكا:
كل العالم يسمع صوتنا الطالع م الاحزان
علاء عبد الخالق:
جيل يستشهد يطلع غيره والموت للسفاح
المجموعة:
الارض عشان نزرع فيها يا محمد ونموت
بكره الحق ح يرجع ليها ملعون اي سكوت
صوتك وانت ف موتك عالي اغلى واروع صوت
حيحول جلادك بكرة واعدامك اشباح
...
0 Comments:
الاشتراك في:
تعليقات الرسالة (Atom)
.jpg)
.jpg)
إرسال تعليق